منگلورو 5/جنوری (ایس او نیوز) کنکن ناڈی سے بالمٹا کی طرف جانے والی سڑک پر دیر رات گئے ایک سڑک حادثہ پیش آیا جس میں کار کی ٹکر کی وجہ سے اسکوٹر پر سوار2نوجوان شدید زخمی ہوگئے ہیں۔

حادثے میں زخمی ہونے والے نوجوانوں کی شناخت آفتاب(21سال)اورامین (25سال) طور پر کی گئی ہے۔ ان دونوں زخمیوں کوعلاج کے لئے یہاں کے ایک نجی اسپتال میں داخل کیا گیا ہے۔ حادثے کی اطلاع ملنے پر کدری پولیس اسٹیشن کے افسران نے موقع پر پہنچ کر معائنہ کیا اور کیس درج کرلیا ہے۔